5.6K
SA.
പാലക്കാട് NMR റസാക്ക് വിജയിക്കും!! എങ്ങിനെ?? ഒരു വിലയിരുത്തൽ
പാലക്കാട് നിയമസഭാ മണ്ഡലത്തിൽ ഉപതിരഞ്ഞെടുപ്പ് ചൂട് ഏറുമ്പോൾ, ഇടതുപക്ഷ ജനാധിപത്യ മുന്നണി സ്ഥാനാർത്ഥി എൻ.എം.ആർ റസാഖിന് ലഭിക്കുന്ന ജനപിന്തുണ കണ്ട് വിറളിപൂണ്ടിരിക്കുകയാണ് യുഡിഎഫ് നേതൃത്വം. കാര്യങ്ങൾ തങ്ങൾക്ക് ഒട്ടും പന്തിയല്ലെന്ന് തിരിച്ചറിഞ്ഞ കോൺഗ്രസും അവരുടെ ചില 'മാധ്യമ സുഹൃത്തുക്കളും' ചേർന്ന് പുതിയൊരു നുണക്കഥയുമായി രംഗത്തെത്തിയിട്ടുണ്ട്. സിപിഐ (എം) - ബിജെപി ഡീൽ എന്ന പഴയ പല്ലവി പാടി ജനങ്ങളെ ഭയപ്പെടുത്താമെന്നാണ് വി.ഡി സതീശനും സംഘവും കരുതുന്നത്. എന്നാൽ ഈ വാദത്തിലെ പൊള്ളത്തരം കണക്കുകൾ പരിശോധിച്ചാൽ ആർക്കും ബോധ്യപ്പെടും.
തദ്ദേശ സ്വയംഭരണ തിരഞ്ഞെടുപ്പിലെ കണക്കുകൾ പരിശോധിച്ചാൽ പാലക്കാട് മണ്ഡലത്തിൽ എൽഡിഎഫ് രണ്ടാം സ്ഥാനത്താണ്. ബിജെപി മൂന്നാം സ്ഥാനത്തുള്ള ഒരു മണ്ഡലത്തിൽ എങ്ങനെയുമാണ് ബിജെപി ജയിക്കുമെന്ന പേടി ചിലർ ബോധപൂർവം പടച്ചുവിടുന്നത്? സർവസമ്മതനും പൊതുസമ്മതനുമായ എൻ.എം.ആർ റസാഖിനെപ്പോലൊരു സ്ഥാനാർത്ഥി രംഗത്തിറങ്ങുമ്പോൾ, അദ്ദേഹം ആർജ്ജിക്കുന്ന ന്യൂനപക്ഷ വോട്ടുകളും ജനകീയ വോട്ടുകളും എൽഡിഎഫിനെ ഒന്നാം സ്ഥാനത്തേക്ക് എത്തിക്കുകയാണ് ചെയ്യുക. പഞ്ചായത്ത് തിരഞ്ഞെടുപ്പിൽ എൽഡിഎഫിന് കുറവുള്ള വോട്ടുകൾ കൂടി റസാഖിലൂടെ സമാഹരിക്കപ്പെടുമ്പോൾ ബിജെപിയുടെ വിജയസാധ്യത പൂർണ്ണമായും ഇല്ലാതാവുകയാണ് ചെയ്യുന്നത്. എന്നിട്ടും മാധ്യമം എഡിറ്റർ ദാവൂദും സതീശനും ചേർന്ന് 'ബിജെപി പേടി' ഉണ്ടാക്കുന്നത് എന്തിനാണ്?
മുൻ എസ്എഫ്ഐ നേതാവ് കൂടിയായ റസാഖിന്റെ രാഷ്ട്രീയ ബോധ്യങ്ങളും മൂർച്ചയുള്ള മറുപടികളും യുഡിഎഫിനെ വല്ലാതെ അലോസരപ്പെടുത്തുന്നുണ്ട്. രാജ്യസഭാ തിരഞ്ഞെടുപ്പിൽ കോൺഗ്രസ് എംഎൽഎമാർ ബിജെപിക്ക് വോട്ട് വിറ്റ ചരിത്രം ഓർമ്മിപ്പിച്ചുകൊണ്ട്, ഈ നാട്ടിൽ ഡീൽ രാഷ്ട്രീയം കളിക്കുന്നത് കോൺഗ്രസാണെന്ന് അദ്ദേഹം അക്കമിട്ട് നിരത്തുന്നു. സ്വന്തം മണ്ഡലത്തിലെ ജനങ്ങളുടെ മുഖത്ത് നോക്കാൻ പോലുമാകാതെ ഷാഫി പറമ്പിൽ ഒളിച്ചോടിയതും, അവിടെ ക്രിമിനൽ പശ്ചാത്തലമുള്ളവരെ കെട്ടിയിറക്കിയതും പാലക്കാടൻ ജനത മറന്നിട്ടില്ല.
ബിജെപിയെ ജയിപ്പിക്കാനല്ല, മറിച്ച് മതനിരപേക്ഷത കാത്തുസൂക്ഷിക്കാനും വികസനം കൊണ്ടുവരാനുമാണ് ഇടതുപക്ഷം ഉറച്ച നിലപാടുമായി നിൽക്കുന്നത്. വികസനം ചർച്ച ചെയ്യാൻ ധൈര്യമില്ലാത്തവർ പരാജയഭീതി മൂലം വർഗീയ കാർഡും നുണക്കഥകളും ഇറക്കി വോട്ടർമാരെ പറ്റിക്കാൻ നോക്കണ്ട. മതേതര മനസ്സുള്ള പാലക്കാട് ഇത്തവണ വികസനത്തിനൊപ്പം നിൽക്കും. മൂന്നാം പിണറായി സർക്കാരിന് കരുത്തേകാൻ പാലക്കാടിന്റെ സ്വന്തം പ്രതിനിധിയായി എൻ.എം.ആർ റസാഖ് നിയമസഭയിലെത്തുക തന്നെ ചെയ്യും.
#Palakkad #LDF #NMRRazack
@saleemkappur
