9.9K
SEHai despedidas que non son un final, senón un legado que queda para sempre ❤️🩹
O pasado venres, o Servizo de Urxencias do Hospital Universitario de Ourense detívose por un intre para facer algo moi especial: un corredor de aplausos, emoción e gratitude para dous profesionais que forman xa parte da nosa historia.
👨⚕️ Antonio González Ferro, ourensán de nacemento e de vocación, dedicou 41 anos á sanidade da súa terra. Dende os seus comezos tras licenciarse na Universidade de Santiago de Compostela, pasando pola atención primaria e o Hospital de Valdeorras… ata chegar en 2007 ao Servizo de Urxencias do CHUO. Máis de catro décadas de entrega, de noites sen durmir, de decisións difíciles e de humanidade en cada paciente.
👩⚕️ Belén Nistal Hernández, nacida en Ferrol e criada en Xixón, pero ourensá de corazón dende 1989. Leva 35 anos coidando da nosa xente, dende o Hospital Santa María Nai ata a unificación do servizo de urxencias do CHUO, onde deixou unha pegada imborrable.
Entre paredes que viron dor, loita e esperanza, eles foron moito máis ca médicos: foron calma no caos, man tendida, palabra xusta no momento preciso.
Hoxe péchase unha etapa profesional, pero ábrese outra chea de recordos, de historias salvadas e de vidas tocadas para sempre.
Grazas por tanto. Grazas por todo.A vosa vocación queda para sempre en cada recuncho destas urxencias 💙
#sergas #areasanitariaourense #ourense #hospitaluniversitariodeourense
@sergas_ourense
