416.6K
ARBloom Decor. നാല് പെൺകുട്ടികൾ പറന്നുയർന്ന സ്വപ്നചിറകുകൾ.
ഇന്ന് ദേശീയ സ്റ്റാർട്ട്ആപ്പ് ദിനമാണ്. ബിരുദ പഠനം പൂർത്തിയാക്കിയ അയൽക്കാരായ നാല് പെൺസുഹൃത്തുക്കൾ ചേർന്ന് കെട്ടിപ്പടുത്ത ഒരു ഇവന്റ് ഡെക്കറേഷൻ സംരംഭത്തിന്റെ കഥയാണിത്.
അലിഷ, നിവേദ്യ, നിത്യ, അശ്വന എന്നീ സുഹൃത്തുക്കൾ ചേർന്ന് ഒരു സുഹൃത്തിന്റെ പിറന്നാൾ ആഘോഷത്തിന് വേണ്ടി സാധനങ്ങൾ വാടകയ്ക്കെടുത്ത് വളരെ ലളിതമായി ഒരു സർപ്രൈസ് ഡെക്കറേഷൻ ഒരുക്കുന്നു. ആ അലങ്കാരങ്ങൾ എല്ലാവർക്കും ഇഷ്ടപ്പെട്ടതോടെ, എന്തുകൊണ്ട് ഇതിനെ ഒരു വരുമാന മാർഗ്ഗമാക്കി മാറ്റിക്കൂടാ എന്ന ചിന്തയിൽ നിന്നാണ് ഈ പെൺകുട്ടികൾ Bloom Decor എന്ന Startup നു തുടക്കം കുറിക്കുന്നത്.
തുടക്കത്തിൽ സ്വന്തമായി സാധനങ്ങൾ ഇല്ലാതിരുന്നതിനാൽ, മറ്റ് സ്ഥലങ്ങളിൽ നിന്നും ഡെക്കറേഷൻ സാധനങ്ങൾ വാടകയ്ക്കെടുത്ത് ഇവർ വർക്കുകൾ ചെയ്തു. . ലഭിച്ചിരുന്ന ചെറിയ ലാഭം പങ്കിട്ടെടുക്കാതെ കൃത്യമായി സ്വരൂപിച്ച്, തങ്ങളുടെ സംരംഭത്തിന്റെ വളർച്ചയ്ക്ക് ആവശ്യമായ സാധനങ്ങൾ സ്വന്തമായി വാങ്ങി.
തലശ്ശേരി കേന്ദ്രീകരിച്ച് തുടക്കത്തിൽ ചെറിയ ചെറിയ ഇവന്റുകൾക്ക് ഇവർ നിറവും ഭംഗിയും നൽകി. ഇൻസ്റ്റാഗ്രാം തുടങ്ങിയ സോഷ്യൽ മീഡിയ പ്ലാറ്റ്ഫോമുകളിലൂടെ തങ്ങൾ ചെയ്യുന്ന വർക്കുകളുടെ ചിത്രങ്ങളും വീഡിയോകളും പങ്കുവെച്ചതോടെ അന്വേഷണങ്ങൾ വർദ്ധിച്ചു.
ഒരു കൊച്ചു ആശയമായി തുടങ്ങിയ ഈ സംരംഭം നിലവിൽ ഏറെ വളർന്നു കഴിഞ്ഞു. കല്യാണങ്ങൾ,പ്രീ-വെഡ്ഡിങ് ഷൂട്ടുകൾ, പിറന്നാൾ ആഘോഷങ്ങൾ,റിസപ്ഷനുകൾ, തുടങ്ങിയവയെല്ലാം തങ്ങളെ ബന്ധപ്പെടുന്നവരുടെ താൽപ്പര്യത്തിനും ബജറ്റിനും അനുസരിച്ച്, അവർ ആവശ്യപ്പെടുന്ന രീതിയിൽ നൽകിക്കൊണ്ട് ഈ നാലു പെൺകുട്ടികൾ തങ്ങളുടേതായ സ്ഥാനം ഈ മേഖലയിൽ അടയാളപ്പെടുത്തി കഴിഞ്ഞു
ഇന്നത്തെ തലമുറ ജീവിതത്തിൽ പകർത്തേണ്ട “Earn While Learn” എന്ന വാക്ക് പോലെ പഠനത്തിന് ഒപ്പമോ പഠനത്തിന് ശേഷമോ സ്വന്തം കാലിൽ നിൽക്കാൻ ആഗ്രഹിക്കുന്ന ഏതൊരു പെൺകുട്ടിക്കും യുവസംരംഭകർക്കും ‘Bloom Decor’-ന്റെ ഈ യാത്ര മാതൃകയായി തീരുകയാണ്. കൺമുന്നിൽ തെളിയുന്ന ഏതൊരു കൊച്ച് ആശയത്തെയും നിശ്ചയദാർഢ്യത്തോടെ, അധ്വാനിക്കാനുള്ള മനസ്സുമായി സമീപിച്ചാൽ വലിയൊരു ബിസിനസ് ആക്കി മാറ്റാൻ സാധിക്കുമെന്ന് ഇവർ തെളിയിക്കുന്നു.
Bloom Decor ഇനിയുമേറെ ഉയരങ്ങളിലേക്ക് പറക്കട്ടെ. പറക്കാൻ ചിറകുകൾ തേടുന്ന പതിനായിരങ്ങൾക്ക് ഇവർ പ്രചോദനമായി തീരട്ടെ....
#BloomDecor
#EarnWhileLearn
#MyThalassery
#CelebrateThalassery
@arjunsk3176
