634
ST我心心念念嘅咖啡店，終於開到屯門喇！之前喺元朗嘆過佢杯咖啡同開心果巴斯克芝士蛋糕，之後就念念不忘😂。
Brava Java屯門店同元朗店有啲唔同，屯門店主打外賣，佢哋嘅咖啡豆仲係自家新鮮炒製添。
咖啡豆可以揀Nutty或Fruity，仲唔使加錢！之前試過其他咖啡店，SOE通常都要加錢架。
我叫咗杯Latte(Fruity SOE)轉燕麥奶，呢款果香單一產地（柑橘、檸檬茶、莓果）嘅肯亞豆，核心風味就係明亮果酸+清新茶味+滿滿莓果甜，層次好清晰，口感超清新，想飲清爽風味嘅朋友啱晒。
我朋友就叫咗杯Mocha $42/杯(Nutty Blend)（焦糖、黑朱古力、烤堅果），巴西+巴布亞新幾內亞，一樣轉咗燕麥奶。呢款咖啡核心係焦糖甜潤+濃醇黑朱古力+焦香烤堅果，風味厚實順滑，味道濃郁平衡，燕麥奶嘅香濃唔會蓋過咖啡豆本身嘅香味！
唔飲咖啡嘅朋友都有專屬選擇，總有一款啱你🫶🏻。
• Matcha Latte（抺茶香濃）
• Hojicha Latte（烤茶香超濃）
• Genmaicha Latte（香濃玄米茶味）
• Earl Grey Latte（佛手柑香清新）
甜品我哋叫咗香蕉&榛子醬牛角窩夫，同焦糖脆餅巴斯克芝士蛋糕。而家牛角窩夫仲做緊優惠，超抵！一杯$40以下嘅飲品+一件牛角窩夫，先至$68，記得襯住做緊優惠去試吓喇。
香蕉&榛子醬牛角窩夫外層香脆，香蕉嘅甜同榛子醬嘅濃郁配搭得啱啱好，味道超夾。
焦糖脆餅巴斯克芝士蛋糕口感層次超豐富，內層巴斯克係經典嘅軟綿濕潤，芝士味濃郁，凍食仲有輕微流心感。
職員仲推介我哋下次試焦糖芝士牛角窩夫，下次嚟一定要試吓先🤣。
✅ 價錢如有更改，一概以餐廳現場公佈為準
餐廳：Brava Java Coffee
地址：屯門屯隆街3號屯門市廣場2期1樓35號舖
#bravajava #foodie #SOE #屯門美食 #精品咖啡 香港美食 打卡 巴斯克芝士蛋糕 屯門
@starving_foodie.hk
