5.0K
RTYouTube do të ketë të drejtat globale për transmetimin e ceremonisë së ndarjes së çmimeve Oscar duke nisur nga viti 2029. Lajmi u bë i ditur nga Akademia e Arteve dhe Shkencave të Filmit (Academy of Motion Picture Arts and Sciences) në Los Angeles, e cila me këtë vendim i jep fund bashkëpunimit disadekadësh me televizionin amerikan ABC.
Sipas njoftimit, YouTube ka siguruar të drejtat fillestare deri në vitin 2033. Përveç ceremonisë kryesore të Oscars, në platformë pritet të transmetohen edhe ngjarje të tjera të rëndësishme të Akademisë, përfshirë ndarjen e Oscarëve të Nderit në kuadër të Governors Awards, si dhe Student Oscars.
Detajet financiare të marrëveshjes së re nuk janë bërë publike. Akademia ka theksuar se ky hap synon të arrijë një audiencë më të gjerë globale, duke u përshtatur me ndryshimet në mënyrën se si publiku konsumon përmbajtje mediatike.
Ceremonia e Oscars u transmetua për herë të parë në televizion në vitin 1953 nga NBC. Në vitin 1961, të drejtat kaluan te ABC, ndërsa mes viteve 1971 dhe 1975 transmetimi u rikthye përkohësisht te NBC. Që nga ajo kohë, ceremonia është transmetuar sërish nga ABC, deri te marrëveshja e re me YouTube që hyn në fuqi nga viti 2029.
@rtv21
