570.0K
AKഎംഎൽഎ ഓഫീസിനെ സംബന്ധിച്ചിടത്തോളം ഓരോ ദിവസവും ഓരോ പുതിയ പാഠപുസ്തകമാണ്. ഫയലുകൾക്കും ഔദ്യോഗിക കൃത്യനിർവ്വഹണങ്ങൾക്കും അപ്പുറം, സാധാരണക്കാരായ മനുഷ്യരുടെ പ്രതീക്ഷകളുടെയും അതിജീവനത്തിന്റെയും കേന്ദ്രമാണ് എം.എൽ.എ ഓഫീസ്.
മണ്ഡലത്തിന്റെ വിവിധ ഭാഗങ്ങളിൽ നിന്നും പലവിധ ആവശ്യങ്ങളുമായാണ് ഓഫീസിൽ ആളുകൾ എത്തുന്നത്.
ചികിത്സാ സഹായവുമായി ബന്ധപ്പെട്ട്, വീടില്ലാത്തവർ, ബാങ്ക് ജപ്തി സംബന്ധമായി, ജോലി അന്വേഷിക്കുന്നവർ, തർക്കങ്ങൾക്ക് പരിഹാരം കാണാൻ എത്തുന്നവർ, വികസന സ്വപ്നങ്ങൾ പങ്കുവെക്കുന്നവർ അങ്ങനെ നീളുന്നു ആ നിര.
ഓരോ പരാതിയും കേവലം കടലാസുകളല്ല, മറിച്ച് ഓരോ മനുഷ്യരുടെയും ജീവിതമാണ്. ഓരോ പ്രശ്നങ്ങൾക്കും പരിഹാരം കാണാനും, കൃത്യമായ ഇടപെടൽ നടത്താനും, ബന്ധപ്പെട്ട ഉദ്യോഗസ്ഥരുമായി സംസാരിച്ച് പരിഹാരം വേഗത്തിലാക്കാനും പരമാവധി ശ്രമിക്കാറുണ്ട്.
ഔദ്യോഗിക തിരക്കുകൾക്കിടയിലും പരമാവധി സമയം ഓഫീസിൽ ചെലവഴിക്കാനും, ജനങ്ങളുടെ പ്രശ്നങ്ങൾ കേൾക്കാനും, പരിഹാരം കാണാനും സമയം കണ്ടെത്താറുണ്ട്. നാട്ടുകാരുമായി പങ്കുവെക്കുന്ന ചെറിയ വർത്തമാനങ്ങളും അവർ നൽകുന്ന സ്നേഹവും നൽകുന്ന ഊർജ്ജം ചെറുതല്ല.
ജനപ്രതിനിധി എന്നത് ഒരു അധികാരമല്ല, മറിച്ച് ജനങ്ങളെ സേവിക്കാനുള്ള വലിയൊരു ഉത്തരവാദിത്തമാണെന്ന് ഓരോ നിമിഷവും ഈ തിരക്കുകൾ നമ്മെ ഓർമ്മിപ്പിക്കുന്നു. എല്ലാവരുടെയും പ്രശ്നങ്ങൾക്ക് പെട്ടെന്ന് പരിഹാരം കാണാൻ കഴിഞ്ഞെന്നു വരില്ല, എങ്കിലും ഒരാശ്വാസമാകാൻ, കൂടെയുണ്ടെന്ന ഉറപ്പ് നൽകാൻ സാധിക്കുന്നു എന്നതാണ് ഏറ്റവും വലിയ സംതൃപ്തി.
നമുക്ക് ഒരുമിച്ച് മുന്നേറാം, കരുതലോടെ... ❤️
#akmashraf #akmashrafmla #manjeshwar #kasaragod #kerala
@akm_ashraf
