22.8M
RU📍ठाणे
आज राष्ट्रवादी काँग्रेस पार्टी ठाणे शहर जिल्ह्याच्या वतीने आयोजित आढावा बैठक पक्षाचे प्रदेशाध्यक्ष मा. श्री. सुनीलजी तटकरे साहेब यांच्या प्रमुख उपस्थितीत पार पडली.
या प्रसंगी विविध पक्षांमधून आलेल्या कार्यकर्त्यांनी मोठ्या संख्येने राष्ट्रवादी काँग्रेस पक्षात अधिकृत प्रवेश केला. प्रदेशाध्यक्षांनी नव्याने पक्षात दाखल झालेल्या सर्व कार्यकर्त्यांचे मनापासून स्वागत करत, त्यांच्या पुढील सामाजिक व राजकीय कार्यासाठी शुभेच्छा व्यक्त केल्या.
बैठकीदरम्यान ठाणे महानगरपालिकेच्या आगामी निवडणुकीच्या पार्श्वभूमीवर सखोल मार्गदर्शन करण्यात आले. ठाणे शहरासमोर आज पाणी, वाहतूक, पायाभूत सुविधा, नागरी सोयीसुविधा यांसारख्या अनेक गंभीर समस्या असून, त्यावर ठोस व परिणामकारक निर्णय घेण्याची आवश्यकता असल्याचे मत व्यक्त करण्यात आले. राष्ट्रवादी काँग्रेस पक्ष ही निवडणूक स्वतंत्रपणे लढवत असला, तरी राज्याचे अर्थमंत्री मा. अजितदादा पवार यांचे भक्कम नेतृत्व व पाठबळ आपल्या पाठीशी असल्याचा विश्वास उपस्थितांना देण्यात आला.
तसेच समाजातील विविध घटकांचा राष्ट्रवादी काँग्रेस पक्षावर वाढता विश्वास लक्षात घेता, जनतेचा पाठिंबा निश्चितपणे आपल्या बाजूने राहील आणि त्यामुळे आगामी निवडणुकीत पक्षाला अपेक्षेपेक्षा अधिक यश मिळेल, असा ठाम विश्वास व्यक्त करण्यात आला.
यावेळी उपस्थित नागरिक व कार्यकर्त्यांना “घड्याळ” या निवडणूक चिन्हासमोरील बटण दाबून राष्ट्रवादी काँग्रेस पक्षाला विजयी करण्याचे आवाहन करण्यात आले.
या कार्यक्रमास मा. श्री. आनंदभाई परांजपे, मा. सुरज चव्हाण , मा. नजीबभाई मुल्ला, मा. मायाताई कटारिया मा. वनिता गोतपगार , नित्यानंद ऊर्फ विरू वाघमारे, मा. सुहास देसाई, दत्ता चकाण, रमेश इंदिसे, जफर नोमानी, नेहा नाईक, आश्रीन राऊत, कौस्तुभ गायकवाड, मंगेश सूर्यवंशी, हुसेन सर,यांच्यासह असंख्य कार्यकर्ते व पत्रकार बांधव मोठ्या संख्येने उपस्थित होते.
#ncp
@rupali_chakankar
