163.4K
UN📊🇺🇿 Bugun O‘zbekistonda Aholi va qishloq xo‘jaligini ro‘yxatga olish rasman boshlandi.
Bu — tarixiy voqea, chunki mamlakatimizda so‘nggi umumxalq ro‘yxatga olish 36 yil avval, 1989 yilda o‘tkazilgan. Shu davr mobaynida O‘zbekistonning demografik, ijtimoiy va iqtisodiy manzarasi tubdan o‘zgardi.
🗂️ Ro‘yxatga olish ikki bosqichda amalga oshiriladi:
1️⃣ 15–31 yanvar — fuqarolar census.stat.uz sayti orqali onlayn ro‘yxatdan o‘tadi.
2️⃣ fevral oyida — ro‘yxatga oluvchilar tomonidan uyma-uy yurib ma’lumotlar yig‘iladi.
🤝 UNFPA ko‘p yillardan buyon Milliy statistika qo‘mitasini ro‘yxatga olishga tayyorgarlik jarayonida texnik jihatdan qo‘llab-quvvatlab kelmoqda. Bu yordam raqamli yechimlarni joriy etish, mutaxassislarni tayyorlash, savolnomalarni takomillashtirish va xalqaro standartlarga muvofiqlikni ta’minlashga qaratilgan.
🌍 Tayyorlov jarayonlari hududlarda ham izchil davom etmoqda: mas’ul vazirlik va idoralar, banklar hamda xalqaro hamkorlar ishtirokida joylardagi ishlar o‘rganilmoqda, muvofiqlashtirish kuchaytirilmoqda.
📈 Ro‘yxatga olish — shunchaki statistik tadbir emas. Bu sog‘liqni saqlash, ta’lim, bandlik, uy-joy, infratuzilma va ijtimoiy himoya sohalarida dalillarga asoslangan siyosat uchun poydevor bo‘lib, har bir insonning ehtiyojlari hisobga olinadigan inklyuziv va barqaror rivojlanish sari muhim qadamdir.
👉 Har biringizning ishtirokingiz muhim. Har bir inson — muhim.
@unfpa.uzbekistan
